كفكفى دمعاتك ...

لشاعرنا الكبيرعناد الشوق عجل الله بشفاءه وعودته للوطن معافى

كفكفى دمعاتك ....... حرام البكا عل فى شقا خلاتك
ديرى عزم يا عين

ديرى عزم وانسيها
وانسى معاهاايامها وماضيــــــــها
وانسى المواجع ليعتك اكميـــــــها
واطفى لهايب نارها فى حشاتــــك
هويتى شقيتى هموم عانيتيـــــــها
بغالى شريتى برخص هى باعاتـك

ما قصرتى
وفية فى صوبك غيرها ما درتــى
صنتى غرامه عهدها ما خنتـــــى
سقاتك مرار بغدرها ذبحاتــــــــك
عذابات ياما فى صوبها جربتــــى
تبكى عليه مرقرقة دمعاتــــــــــك

ما هى طويرك
ولا هى قسامك قسمها لغيـــــــرك
درتى الغلا من خاطرك وضمــيرك
كذبت عليك فى صوبها خدعاتــــك
ماهى دواك يبرا معاها سطيـــــرك
هيا سبايب علتك وشقاتـــــــــــــك

يا عين عذبتينى
رفيق القمر فى الليل خليتيــــــنى
وهم وسراب وراه عيشتيـــــــنى
طريق الغلا صعبت على خطواتـك
ود وزها وافراح عشمتيـــــــــنى
الياسات صابة قطف غرس غلاتك

ديرى عزم ياعين

شعر رائع ومؤثر
صح لسان الشاعر والف لاباس عليه
مشكور اخى على اختيارك

شكرا خوى العاشق على رورك

ربى معاه ان شاء الله

وشعر سمح واجد

ربى يشفيه ويرحعه سالم ان شاء الله
شكرا خوى على اختيارك الرائع

صح لسان شاعرنا
وبارك الله فيك اخى

نلقنه شعر سمح
صح لسان الشاعر وربى يرعاه
وشكرا ياغالى

لخوى عناد
وللجميع

حروفك عندما تصافـح شرفـات البـوح ...
تتـسـاقـط ابــداعـا وشــهــدا..
وتتغنى السطور كشدو عصافير ..
دمت بحب وسعاده ..