تفرحى عقبالك
الليلة زفاف اللى زمان دلالك
ياعين كيفه
تفرحى عقبالك
الليلة ايعدى
وانتى عليك الصبر والتــحدى
لا تضعفــــى منه اتبلى خــدى
صــيور تــفرح دنيتك تزهــالك
ولا تاخــذى ليلك مغير اتعــدى
اتلومى عليه اتندمـى فى حالك
اللى صار لا منك ولا من يدى
مكتوب ما يبقى العزيز حلالك
تفرحى عقبالك
الليلة زفاف اللى زمان دلالك
ياعين كيفه
خلك منه
ادعـــى بخير افدنيته ايتهنــى
ما تنتهــى الدنيا انغبتى عنه
ولا هى النهايه كان ما وفالك
يمكـن ظــروفه قاسيه رغمنه
من غير ما يقصد ايدير بدالك
مغير دورى تلقى غلا ومحنه
انتى كبيرة عقل ما فى امثالك
تفرحى عقبالك
الليلة زفاف اللى زمان دلالك
ياعين كيفه
أمس في 6:59 am
الجمعة 16 مارس 2012, 1:52 am
