حب ما هو عادى ....... انت غلاى ومقصدى ومرادى
قالت نحبك
رد عناد الشوق:
انتى الغلا يا عمرى
نارك قوية يقيد منها جمـــــــــرى
يطيحوا نجوم الليل تبقى قمــــرى
ويزورنى طيفك فوقت سهــــــادى
انتى منايا معاك يصلح امــــــــرى
يدوم الغلا بجــــــاه العزيز الهادى
مسمح نهار لقيتك
درنا الغلا حبيتنى وحبيتـــــــــــــك
حتى بعيدة لقيتنى ولقيتــــــــــــــك
اصل وبيتية من عرب اجـــــوادى
شلتك فى عينى برمشها داريتــــك
حن وغلا نسقيــــــــــــك يا ودادى
عمرى بلاك خسارة
زهرّى يجف يطيحه نـــــــــــــواره
يحير الدليل بلاك فى مشــــــــواره
نعانى هموم وغم دون انــــــــدادى
انتى زها الخاطر ربيع اقــــــــداره
وانتى الرفيقة زادتــــــــى وزوادى
نعيشوا ايام هنية
يدوم الزها انا ليك وانتى ليــــــّــــا
نشقوا الطريق ايديتك فى ايديــــّــا
نصونوا الغلا نحموه من الحسادى
ما من غلا يسواك يا غاليــــــــّــــا
زين البنات والزين منك بــــــــادى
ليك الغلا