بعد الغلاء ياناس مانحسابه
يرحل الغالى ومايدز جوابه
مادزلى مرسال ... يهون على يقول كيف الحال
دمعى تكاثر من عيونى انهال والياس يالطيف دار ضبابه
مازال عقلى رايده مازال
صابر يراجى والقليب خرابه
ماقالى بنغيب ...
بعد كان ديمه م العيون قريب
الخاطر تكسر خربه تخريب
والجرح ماكن مستحيل اطيابه
صبرى كمل والصبر كيف انجيب
ياريت يرجع نقبلوه اعتابه
محتار كيف اندير...
زعم نتركه ونبدله بالغير
الروح قالت مستحيل ايصير
نرجاه حتى انكان طال غيابه
مهما يغيب كان فيه ضمير
يجيبه الحنين ايرجعه لى حبابه
مالقيت ادباره...
الغالى رحل ياريت نعرف داره
لنظار تبكى دموعها منهاره
الدنياء هواء ياصاحبى قلابه
حبه سحبنى رحت فى تياره
والحب واعر قارين اكتابه