طيرين غنـّوا فى عش الغــــــــرام
قشة قشة نسجوه بســـــــــــــلام
قضوا ايام فى سعادة وهنـــــــــاء
داروا عش سيسانه الوفـــــــــــاء
عاشوا احلام مليانة رجـــــــــــــاء
وبات الراى يجمعهم مقـــــــــــــام
غنوا الصوب فى زهوة ربيــــــــع
يصونوا العهد ما حدش يبيــــــــع
طرزوا عش فى وصفه بديـــــــــع
وكل طوير بطيره اليوم هـــــــــــام
يوم عطيب غراب البيــــــــــن نق
فر طوير من عشه انطلــــــــــــــق
وكم من طير فى خونة انســـــــرق
وانهد العش فى لحظة ظــــــــــلام
سألت الطير هان عليك عشـــــــك
قتلت الود والا غلاك غشـــــــــــك
ضاع العش وطار معاه قشـــــــــك
قالى لقيت طيرى الغيـــــــــــر رام
سألنى لواه طيرى اليوم خـــــــان
سقيته الود من نبعى وحنـــــــــان
طعنى غدر ونا عاطي الامــــــــان
فراقه مر مكتوب و قســــــــــــــام
خنقنى الدمع من بخته النكـــــــود
وطلبته ايدير لهّمه حــــــــــــــدود
وعلى خان ما يراجـــــــــــى ردود
يقوى العزم واللى كان تـــــــــــــام