وحق الغلا اللي بينا واريــــافي
ياغالي انتخايل صورتك في عيني
حتى وهو زولك عليَا خافـــــي
طيفك في حلمي كل يوم ايجيني
مانيش عارف امعاي كنك جافي
وكنه غلاك أبود مايكافيــــــــــني
غلاك هااللي تحير فيه اوصافي
اشويه وغلاك ان قلت لك يحييني
وان قلت كبر الكون ماهو كافي
غلاك عالدنبا هو اللي مخلينــــــي
غـلاك هااللي نا مــن لهيبه هافـــي
اتزيد نــاره فـــي وين ما تلاقينـــــي
نارين نجري نا بينهن ونا حافــــــي
جفاك يا غالي ودمعــه اهبال حنيني
كنه اريافــك اليوم جمره طافــــــي
وكنه اغيابك طال يا جافــتينـــــي
ليش نا انعد النجم وانت غافــــــي
وليــــش نا نتفرح بيك وتبــكينـــي
وليش كي تخطريخطر على اريافي
وتخطر علـــــــى ايام زهوه عينــــــي
اياما ونا وافي ومعاك وانت وافـــي
ايام والغلا مشـــقيك ومشــــــقينــي
ايام كي تلفي وكي اتكون اصدافــي
يا لعين كنت انحاكيك وتحاكيـــــني
ليش متغير اليوم مانك صافــــــي
وليش مجافــي اليوم ومبدينــــــــي
اليوم متغيرياالحــنون الدافـــــــــي
واليوم ناســـي عشرتي واسنينـــــــي
وحق الغلا اللي كان بينا واريافـــي
وماكان غيرك حد مالي عينــــــــــي
لكن انت اليوم غيـــــــري لافـــــي
ونا غصبن عني ننساك يا ناسينـــي