• ياعين سيلي وكثري دمعاتك ** علي من هجر بعد المحبة فاتك
سيلي ديما ** بدمعك علي الخدين ديري غيمه
علي ناس هانوا عشرتي القديمة ** نبي تنعمي ياعين قبل مماتك
ايامك مشن ف الحب يالغشيمه ** خلاص انكسرتي ارفعي راياتك
هيا سيلي ** في صبح وعشيه وماتنامي في ليلي
علي من هجر واخد امعاه دليلي** الغيه بحر ف امواجه خلاتك
ياريت مادرته فلان خليلي ** وياريت ماتبعتها خطواتك
سيلي هيا ** بكثره في ليلي وفي اوقات عشيه
علي من هجر ياعين خان الغيه ** ياما نصايح ليك ماجاباتك
نجمك مع لولاف خافي ضيه ** ادعي معايه وكثري دعواتك
نشر بواسطة : لؤلؤة بنغازى
الإثنين 06 مايو 2024, 10:27 pm
الثلاثاء 08 مايو 2012, 1:44 pm
