عندي العقل ما يحمل نهار بلاك
ويش درتلا
خديــــــت أذنـوبــي
بينـــك وبيــن الله يا محبــوبـي
نا كنت متريح وعايش دوبــي
ويش جيبك ويش جابنــي يالاك
نين بالغلا تميت داي وصـوبــــــي
ولازم عليا نجبدا مـــدعــــــــاك
وتميت قوتي وانت هومشروبـــــي
وما نريــد فالدنيا أمفيت أرضاك
وتميت صيدي ونت هو مطلوبـــي
وطاشن أنضــاري يا عزيز وراك
تلاقن أسلوبك فالحياة إسلوبـي
واللي تحس بيه انحس بيه معاك
وعارف أدروبك خاطيات أدروبــي
وعارف ضناي امواسين ضنـاك
وما زلت في شانك انحت أجيوبـي
ومازلت ماسـك فيك ما ننســـاك
وما زلت في شانك انشن حروبــي
ونعـادي جميع الناس في سباك
يا قرعتـي ياقسمـي يا مكتوبــي
جابك الله وجيت ما نخطــاك