واطي فالنار وحاملها .... خايف قولة يستاهلها
واطي نار عزيز وخايف ... من قولة عالدار امرايف
اجحود النار القيته راي ... هونلي من تشميت اعداي
كان اقدرت اتواري ناره ... حتى لو ماعد تذاره
عزيز اطلق نيران علي...ابقيت عديم وبات بري
ياجر العين امداعينا ... شور النار اتلذع فينا
درتيها ياعين جريمه ... حاييتي نيران قديمه
بري لاعقلي لالنظار... اشتركن في تكواي النار
عزيز كبرها كبرت حر... بعد كبرت ناره وخر
راي عطيب كبرتي ناره... هلي جن تمويح ادياره
ماقتلك من يوم خطاهم ... طفينا نيران غلاهم
نار غلا مانك قابسه ...من حاشن مالذع اتحسه
ايام شكيتي مالنيران ... هذكي وان وهضا وان
نار غلاك اخطيت صناها ... لكن نا قاعد يالاها
ماقتلك ياما جضينا .... غير اليوم اعزوم القينا
كي ننسى مانبقى قايس ... نار اللي في عقلي حايس
مقعدنا عالعين كبيره... خان عزيز انديروا غيره
كان انسيت عزيز ابسيه ... نبقي ماني داير غيه
من يوما خانوا الغوالي ... ماوالي ممسوك بوالي
ياناري ياطول اريافك... غاليت وفارقت اولافك