حاست حوسة نهار فقدهم تحلف الا ممسوسة
يانويرتي عالعين
ياما دارت ........................................ نهار فقدهم بيها الدنيا دارت
يانويرتي عالعين من اللي صارت ... الكاينة اللي نزلت لها مخصوصة
صبت نصيب مستوهة وانهارت ...... ما في المواقي عقبت مدسوسة
التاعت لوعة .............................. لوعة اللي بجنينها مفجوعة
نهار فقدهم فاهق كبار هلوعة ...... حل والسقيمة جابها معكوسة
بعلة تشق في القلب تحت ضلوعة .. وفي العظم تنخر نخر كيف السوسة
ياما حاست .............................. نهار فقدهم واذيبلت وانهاست
تحلف عليها نار تهدج داست ............ والله بجن تظنها ملبوسة
قدامها الدنيا بالظلام ادماست ... وفي كبد الفراق غارس موسه
يوم عمرها مايوم كيفه قاست ........ وتفنى وفيها فجعته محسوسة
انحرّت حرّة ............................. منه ومازالت وهي منضرّة
نهار فقدهم والواسعة منزرّة ..... تمت كما اللي في قفص محبوسة
طاحت اتقول مغير لول مرّة ......... تجرب صغا الايام هالمنحوسة
وهي في الحيا كمين ضاقت مرّة .. وياما مقريها الوقت ادروســـــه
نشر بواسطة : لؤلؤة بنغازى
الإثنين 06 مايو 2024, 10:27 pm
الجمعة 29 يونيو 2012, 12:16 am
