قالت الله يسامحك ياللى عزيز عليا
قالها بعتى الغلا يا بادية بالسيــــــة
قالت :
شن درتلك تجفانـــــــــــــــــــــى
ياروح سكنت خاطرى الجوانـى
غاب الزها بعدك الهّم نعانــــــى
وما نعيش دونك فى الحياة هنية
قال :
ما سّكن خاطرك غيــــــــر روحك
ياللى حسبتى الكون ليك بروحـك
كنتى غرورة نين طاحو صروحك
جيتى اليوم ترمى بلاك عليـــــّـا
قالت :
مانى معاك غــــــــــــــــــــــرورة
كميته غلاك لمصلحة وضـــرورة
ياما ليالى بالهموم سهـــــــــورة
وانت رقود وما هناك بليــــــــــة
قال :
المصلحة قوليـــــــــــــــــــــــها
غيرى اخترتى غيّتى بعتيـــــــها
ولما رماك اليوم بتشريـــــــــها
نفسى عزيزة ما تروم الجــّــــية
قالت :
نعرف انك عاشـــــــــــــــــــقنى
وانى زهاك وخاطرك رايـــــدنى
هيا نرّدوا ايامنا هـــــــــــاودنى
نعيشوا ربيع أحلامنا ورديـة
قال :
حسبتك ريدى
لقيتك سبايب حسرتى وتنهـــــيدى
قلبى نسّله من عروقه بيــــــــــدى
لو قال سامحته عزيز علــــــــيا
بعتى الغلا يا بادية بالسّية