| موضوع: حرف وغناوة السبت 04 فبراير 2012, 2:53 am | |
| (أ) ابكي عليه ليل نهار... عزيز كان يا عين واجعك
(ب) برادة الله يطيح... سعد الياس مو ديمة قوي
(ت) تماضى غلاك معاي... حتى الياس ما طال يمسحه
(ث) ثلاث ذابلات الروح... تمويح دار ورياف وجضر
(ج) جبيت والعيون معاك... يا عزيز فيك يوادعن
(ح) حتى الصبح عندي ليل... على عزيز عيني باكية
(خ) خايف العقل يجول... ينال جرح ويغيب الدوا
(د) دعاي يا عزيز عليك... تلقاه فى تراديد النفس
(ذ) ذابلات كيف الغصن... بعد عزيز هضا حالهن
(ر) رقيق يا تراب العقل... نسوم ريح لولاف شايلك
(ز) زهرن وين جاهن صوب... وذبلن وين غاليهن نقص
(س) سبايب امراض العقل... تبع العين والعين ضالة
(ش) شاوي عليك الدمع... وإلا عزيز يا عين ناسية
(ص) صحيح يا عزيز الصبر... يعود خير غير نا منين لي
(ض) ضليل رايها مازال... العين بالمراهين شاقية
(ط) طالن امراض العقل... نين هان ع اللي يساولوا
(ظ) طلمن خاطري ليام... ومعاه كيف مادارن قبل
(ع) عزاز خلفوا فى العقل... جثامة تالي الليل ترقعه
(غ) غلاك عظم كسرة قند... شقى طبيب عاناه سيبه
(ف) فراق العزيز صعيب... يستاهل عزا يا خاطري
(ق) قسامي بلا غيات... للخاطر الله لا يجيبهن
(ك) كذاب من تشيط معاه... ويقول نا نواري نارهم
(ل) للناشد انقول بريت... وهي معاي نار كابره
(م) ما من اللي ف العقل... مردومة وكامي سرها
(ن) نستاهل انكان الحمت... نار طافيه نابشتها
(هـ ) هتايا يلمو فيه... ورا عزيز ما زال خاطري
(و) وحلت فى ضلال العين... كبرت نار ع النار لوله
(ي) يسقيك صوب صافي ماه... العقل يا علم لو تقادره
|
|
| موضوع: رد: حرف وغناوة الإثنين 06 فبراير 2012, 3:46 am | |
| متصفح له عبق عميق يفوح منه عطر ذوقك في انتقاءطرحك اتمنى ان لا يجف نهر ذوقك الرفيع تحيتي لسموك~ |
|
| موضوع: رد: حرف وغناوة الأحد 29 ديسمبر 2013, 5:47 pm | |
| نشر بواسطة : سعاد الكاديكى |
|
| موضوع: رد: حرف وغناوة الثلاثاء 31 ديسمبر 2013, 1:01 am | |
|
شكرا على الطرح القيم
في انتظار المزيد من مواضيعك القيمة .. ..تحياتي .. |
|
| موضوع: رد: حرف وغناوة الإثنين 11 ديسمبر 2017, 9:51 pm | |
| تسلم الأيادي ربي يعطيك العافية
طرح رائع
لموضوع جميل نشر بواسطة : حميد العامري |
|