يابعيد الدار .. تعال اوتواضع غير شوف النار ..
ويش في دارت ،،،،،
يا بعيد الجوبه .. يابوهوالع ياغزيز اهدوبه ..
ياسمح طبعك يالذيذ اسلوبه .. ياقهايري يانهر لستنفار
يابوسولف نازله مكبوبه ... ياثغر جواه العسل قطار
بالله يالدافي ياكحيل اهدوبه ... محتاج للفزع يابو عيون اكبار
مسلم اوسني مالكي محسوبه .. في دينا مكروه لحتيكار
تعال شوف نارك شوفني هالنوبه ... ويش درت كني ويش في صار
اغويت فيك تحكمني ابهاالعقوبه ... اوفي شرعنا مباح لستعمار
خلاص منتهي تميت في غيبوبه ... ماعد احذاي امغير لستغفار
حتي غير وصفه ساهله مكتوبه ... اسعفني ابها راه القوي منهار
احسب احساب الموت شلت اذنوبه ... انسان شبه ميت من جفاك دمار