سافر ما زال
سافر مازال عيني اتريده
حياتي زهيده
بعد ناس شالوه لو طانا بعيده
سافر مازال عيني اتحبه
عز المحبة
... نا داي يا ناس ملقيت طبه
كاثر نهيده
خوفي عليه من هفه اتصيده
سافر مازال عيني عليهم
باغيه تجيهم
نا وين ننهاها ببكاها عليهم
اتزيده هالعنيدة
دموعها يسيلن على خدودي بديده
سافر و مازال قلبي ايواري
كاتم اسراري
ما يوم وريته لهاليب ناري
اللي تشعل وقيده
تقول نار شاطت في وان الحصيده
سافر و مازال عيني هنيه
اوتوا شقيه
ما يوم صادت ْ لويله هنيه
هي ديمه شريده
زهاها ايتم في عوده جديدة