نبكي علي حالي

نبكي علي حالي حزين ابكايا
لا اقدرت نهدا ولا ايتم عزايا
حالي كابي
حال منطرح زايد امعاه عذابي
لاني عليه انلوم لاني عابي
حال منتهي شايل كثير سوايا
عنده اهموم الشارقين مصابي
وعنده خطا سدّن عليه روايا
وعنده ادموع اتقول سيل شرابي
خلّن اعيونه راقدات مطايا
وعنده اعقيله حي ماهو عابي
لكن ايعاني من سريب خبايا
وقلبه امقطع صلّبه صلاّبي
يرغب خلاصة ومالقيش نهايه
ضاقت عنّه
شين مندمي ماعاد صاير منّه
جنّه اطياف الموح ما انقذنه
زادن احزانه وزاد بيهن دايا
برمن عليه بسوء ومااتركنه
لين مابقي دامي زهيد الغايه
وبعدين حامن في سما ورمنّه
بأحجار صمّه والعه جفّايا
وبعدين بأوصاله جرن لفنّه
ملموم تمّه ولمسته كوّايا
في بير منسي جافه اعزقنّه
ولا من شهيد ولاادري بخفايا
حالي ايدمّع
حالي خطي ماهو الي متلمع
انعيط وجملة جيرتي يسمّع
لا من ايقرّب لا ايجي يالايا
امغير الكواين زايده تجمّع
حاطن بروحي كي زول امنايا
دارن عليا حلف غازي طمّع
نشّف اعروقي دارهن سلاّيا
جور وظلم وفوقهن متقمّع
واخذ الغايا وشغلته بنكايا
يا انويرتي عني وبابي اشمّع
اسكّر وتمه ف السريب احكايا
حالي بناره
حالي انحرق ومالقيت ادباره
جنّه الجيّايات دارن غاره
خلّن اطرافه امشرتعه بشضايا
ليله ابقي ضوّاي كيف نهاره
والع اسيوله جاريه غلاّيا
اتميّل ابغل ايمينها وايساره
وتكوي انفاسي امخلفه الضحايا
اتزوره صميمي في عواقر داره
تسبيه طامي حالته زرّايا
ماله امغير الله يطفي ناره
يارب لطفك ف البادية والنهايه

حلوة منك رنين
شكرا

كلك ذوق البريمو
تسلم

بارك الله فيك على الموضوع القيم والمميز
وفي إنتظار جديدك الأروع والمميز
لك مني أجمل التحيات
وكل التوفيق لك يا رب

تسلمى يا سمحة
الف شكر

تسلمى اختى رنين

شكرا لك

بإنتظار جديدك