اروع ما قرأت من شعر شعيى

كامى كامى عدد المساهمات : 1223 عضوية : 20/02/2012

من اجمل الابيات الشعرية التى قرأتها

تقول نفسى شاكية

ياعراب ............. قسمى غلا مرهون فيه عذاب

موعر طريق الصوب

خطم حذاى

رزانى بخزرة كان فيها شقاى

جناين كنينى ذابلة من داى

جت عشقتى فى مرهون كبدى طاب

احتار الدليل ما لقيت فيها راى

كونك رفيقى دلنى عل الباب

رد الشيرة

نعانى وجع ماكن قوى اسطـيره

كاد الطبيب عجز فى تدبيـره

وقال علتك ما لقيتها فى كتاب

ضمضم اوجاع الجرح دور غيره

وانسى سريب قديم صوبه خاب

لك نعترف مش قادر

صوبه صحيح اوجاع لكن صابـر

انا رايده مازلت ليش انكابـر

حتى انكان بعيد عنى غـاب

نبى دبارة ما لقيت امدابـر

يطفى لهايب قايدة فى اجناب

يرد عليها العراب

يانفس ليش شكاك

قسمه لغيرك رايده مولاك

جت طيحتك فى صوب جاب شقاك

بنيتيه ساسك فوق قوز تـراب

خشيتى بحر غريق كان خطاك

موجه قوى يا نفيستى غلاب

عذبتينى

اخترتى غلا مرهون شقيتينى

نزازى عقاب الليـل خليتينى

مهموم كابى الشعر منى شاب

بالله كافـى راك بهدلتينى

لا تبررى لا تقـدمى الاسباب

يانفس يكفى كافى

فوق الجمر نمشى بهمى حافى

شايل هموم الكون فوق اكتـافى

ماشى فـى طريق مسكرة الابواب

قنديل روحى من عذابى طافى

فى جرة غلا ماهم عليك قراب

دوا علتك فى ايديك

انسى سريب مرهون مـا هو ليك

كنتى عزيزة فى عزتـك خليك

وديرى عزم بالطوع والا غصاب

وادعى المولى بقدرتـه يعطيك

ربيع الزها من بعــد طول اجداب

يا نفس مانى طبيب

ولانى فقى يكتــب حجاب يجيب

مانكش لولى فـى غلاها تخيب

ولانك الاخيرة الزهو عنها غـاب

يقّدر المولى يوم فرجـه قريب

قداش من عاشق بعــلة طاب

ديرى عزم وانسى

اروع ما قرأت من شعر شعيى 02455273526497077990

اروع ما قرأت من شعر شعيى 02455273526497077990

نشر بواسطة : كامى كامى

جبران عدد المساهمات : 9 عضوية : 16/02/2012

فعلا حلوة
شكرا

نشر بواسطة : جبران

عزف الحروف عدد المساهمات : 1433 عضوية : 02/02/2012

حروفك عندما تصافـح شرفـات البـوح ...
تتـسـاقـط ابــداعـا وشــهــدا..
وتتغنى السطور كشدو عصافير ..
دمت بحب وسعاده ..

نشر بواسطة : عزف الحروف

نشر بواسطة : سعاد الكاديكى