زيد أقهرنى
وأرمى كلامك فوتنى دمرنى
خوذ راحتك بالحيل
زيد جروحى
وألعب تمادى وأنتصر فى موحى
وزيد من نزول الدمع ياسموحى
وكل ماأنتغاضى أنتفض كسرنى
الواضح شقايا منحفر فى لوحى
نقدم خطاوى نقترب يدفرنـى
طريق السلامة أمسامحك ياروحى
ألا أنا العالى ربنا يصبرنى
عادى أذبحنى
وأرمى قناعك هزنى وأجرحنـى
وحط الخطا فى طيبتى ريحنى
وكشر أنيابك نت فيا أنهرنـى
مقسوم نرحل نبتعد سامحنـى
موال حبك ضرنى ودرنـى
موجك صعيب بقوته طوحنـى
مكسور خاطرى لاشى ماجبرنــى
ألا قبل حبك ماحبيب سلحنـى
ولا بالمحبة كادنى غصورنى
البخت بختى جرنى طيحنى
فى وسط أرضك نعترف زرزرنى
وماتجيـب دواك
غير أبتعد ياريــت مانلقاك
ننساك عادى أنديرها ننســاك
كاسى حذايا بالغلا يغمرنى
ونقدر نجافى وبالجفا نمحـاك
ونمسح حروفك للأسف أعذرنــى
ونحبس دموعـى دهر فى سباك
ونحارب أفكارى كان بتحاصرنى
ونحرق قصايد جابدة مدعاك
وننكر غلاك وقصتى وننكرنى
وكل من يخونك يحرقك يجفاك
بقولة عرب الشام نا يؤبرنـى
للشاعر سفيان بوطيغان