كلمات تغنى بها الفنان شادي الجبل
البارح منامي جاب حلو ألباسه .. وجايب على اثر الموح طولة ياسة
منامي جابة
نظيف العضى مشكاي سمح اوجابه
الموح باعدا عني وذقت عذابه
افراقه اللي حبه الخاطر هاسه
جابه ليا
الغالي اللي واجد عزيز عليا
امعاي قبل نارا خامدة مطفيه
تحاية ومنها المر قلبي قاسه
جاب اولافي
اللي وين تطريهم يزيد اريافي
من يوم باعدوا والعقل ماهو صافي
عليهم امرايف حالتي منهاسه
جاب لي مواله
وخلا دموعي نازله منهاله
تمناه قلبي من كبير اهباله
ويعود له ماضيه حلو انفاسه
جاب ازويله
اللي قبل عيني بسرها تشكيله
يا طول ما جاني ونا نمشيله
ويا طول ما ذقت العسل من كاسه
البارح منامي جاب