يا العين فيك وحلت

قال الشاعر مصطفى الشلماني
يا العين فيك وحلت .. كملتي دموع وما الغالي طلت .. عليش سايلة
فيك وحلنا ..
وياما على صوب الغوالي سلنا
وياما رجيتيهم وما حصلنا ..
اقسام في عزيز و بالدموع انهلت
وبين الخلايق نين شاع عللنا ..
ولا بديل في صوبه نهار قبلت
ولا عمرنا دار الخداع نزلنا ..
ولا عزيز من سعيا نهار عزلت

فيك عزاي ..
أطاول وتما ع العزيز بناي
اللي قبل يشكيلي وهو مشكاي ..
  واخذ حواش العقل نين ذبلت
بقيلي غلاه تقول قاطر ناي ..
  يسيل وين ما فجوة خلا حصلت
رجيت غير ما قسّم الله رجاي ..
منزوع في غلاه القسم ما نوّلت
مفيت ما شقى عيني وطول بكاي ..
علي ما نذّرف ما عزيز شغلت

فيك مسالة ..
علي ما نهيتك ذارفة من حالا
صعب عزيز ما قلتي غني بعياله ..
  نقابة علي انكان شورا جلت
وخف الثقيل الروز فيه فسالة ..
حتى وهي كبيرة درتها وحملت
يمّوج مع فاهق جديد لفالا ..
  لا عاد طلته لا عليه صملت

رايك عادم ..
  شقيتي ورا غالي وصوبك رادم
وناسي غلاك اليوم ماهو نادم ..
ونا بلاه يعني ربنا وكلت
حتى وهو بلا سية غلانا هادم ..
  قاعد علي مبداه ما حولت
ولا كيفنا مسع لقيت بنادم ..
عليهم نقدّع ما نهار زعلت
  يا العين فيك وحلت ... كملتي دموع وما الغالي طلت .. عليش سايلة

صح لسان الشاعر
مشكورة دانة

سمحة واجد
الف شكر

:شكر1:

نلقنها وحلة
تسلمى