الكبـد واعـره من قبـل مـوش جديـده ..... و نـا يـا عسـل دايـر عليـك كبيــــــده
واعـــره مــــن ربّــــــــــــــــــــــــــي ..... و نـا كبـد يـا سمحة عليــك مربّـــي
النــار ويـن ينقصهـا العـود اتهبّــــي ..... الا انــت لهـب نـارك يزيـد صهيــــده
علـى مـا نخبّــي مـا قــدرت نخبّــــي ..... تقـــول لْغــلاك مـلامحـــي جـاريــــده
نغوص في العرق وقتاً حذاي تصبّـي ..... و تمشـي معـاك العقـل يـدّك فـي يـده
و وين في اسماعـي تعزفـي يا حبّـي ..... نظـل نصطفـق نرجـف تقـول جريـده
مفتـــون هايــم بيــك طايــر لبّـــــــي ..... قـرام عـزم مـا ظنـي معـاك نصيــــده
لــو تطلبــي ميــم العيـــون انلبّــــــي ..... غنـي بيـك عنـه و عن امـور عديـده
و ان غبتـي علـيْ نقعـد بـلاه احببّــي ..... نظر ما نشوفـك بيـه ويـش نريـده ؟
أيــش درتلـك ؟ يـا قلـب حـن معبّـــي ..... كنّــك معايــا قاسيـــه و عنيــــــده ؟
ان غبّيــت تـردي و ان وردت تغبّــي ..... و تبقــي لْيـــا منــك دنيـــت بعيــــده
كيــف مـاك داي اليــوم كونــي طبّــي ..... و كونـي لعقلـي يـوم عيـدك عيــــده