ساعات يزهى خاطري ودليلي .. وساعات يا دنيا عليّا تميلي
ساعات نبدا زاهي
وساعات نبدا في همومي لاهي
وساعات حتى المُر عندي باهي
منه تجيني جمام يوفى كيلي
ساعات نبدا عادي
وساعات ڤلبي في حضينك غادي
وساعات نسرح في ربوع بلادي
نشكي لها حالي وهي تشكيلي
ساعات نبدا رايڤ
وساعات يبدا خاطري مضايڤ
وساعات كل العُمر عندي دڤايڤ
فات النهار وطال بيّا ليلي
ساعات غير نلاجي
وساعات نبدا في الرنين نراجي
وساعات حتى الرّوح فيك تناجي
خذت من عيوني النّوم هدّت حيلي
ساعات ماني صافي
وساعات يرفعني الحنين الدافي
وساعات حتى في جلوسي غافي
وساعات زايدني معاك اريافي
نخاف دمعتي تهبط على منديلي