ليش وليش ..... لو ضاع الوطن غيره وطن ما فيش
وين عقلكم بالله
ديروا حكومة
خودوا مناصب ما عليكم لومـــة
خودوا مزايـــــــا باهية ومقيومة
وخلوا المواطن فى كرامة يعيش
ديروا قصور
ديروا مزارع واعزلــوها بسور
عيشوا ليالى عربـــــــدة وفجور
وكــــــافى الليبى بهدلة وترييش
شقيتوها
ليبيا تعانى اليــــــــوم خليتوها
فرصة وفاق ان كان ضيعتوها
يجيكم اوبـاما وتلبسوا طرابيش
ليش وليش ..... لو ضاع الوطن غيره وطن ما فيش
وين عقلكم بالله