يروى شاعرنا حكاية غلا ويقول
هو
يا طير شيل سلامـــــــــــــــــى ................. وجيبه خبر زويل طال غيابــــه
درته غلاى ومقصدى ومرامـى ............... وموال قلبى بيه زاد طرابـــــــه
وانكان ناسى غيتى وغرامـــــى ............... اعرف سبايب فرقته لاحبابــــه
هى
يا طير هات سلامــــــــــــــــــه ................ ياما رجاه قليب طال عذابـــــــه
ما يوم ناسى غيته وغرامــــــــه .............. نشد النجوم ما نجم جاب جوابـه
ليله بلاه طويل عاش ظلامــــــه ................هم وشقا فى صوب كان منابـــه
هو
يــــــــــــــــــــا طير ما قصرت .............. ديوان حبى ما طويت كتابـــــــه
صاين عهودى غيرهم مـا درت ............. عنى رحل ما عرفت ايش اسبابه
وحتى ان غاب فى غيتى مازلت ............ والقلب شاقى كابرات مصابـــــة
هى
يا طير ما هو خافـــــــــــــــــى ............ سقيته غـــــلا كيف العسل شرابـه
يلى بلاه قنديل روحى طافـــــى ........... وعينى نهيلة بالدموع اسكابـــــــــة
رقراق نبعى بالحنان الصافـــى ............. ونبعه ردم متحيرات اترابــــــــــه
هو
يا طير ما نصفونــــــــــــــــــى ............. الحساد كادو لصوب رادوا خرابـه
يبوا نفارق سمح ضى عيونـــى ............ وننسى غلا غالى نسكر بابـــــــــه
على غيرها ما قصروا داعونى ........... وقلبى فى غلاها ما ايدير خيابــــــة
هى
يا طير يامــــــــــــــــــــا نعانى ............ عقلى احتار وطار منه صوابـــــــه
صدق الغلا فى قولته حقانـــــى ........... كيد الصحاب ما حسبت يوم حسابه
ما نبدله هو ربيع زمانــــــــــى ............ وهو ربيع القلب عز شبابـــــــــــــه
هو
طمّن المحبوبــــــــــــــــــــة .......... بغالى شريته ما ندير معابــــــــــــة
ما زال ارضى راويه بشبوبـــــه ........ وما زال زرعـــــه فى كنينى صابة
وما زلت ماشى بغيتى فى دروبه ......... وما زال ناره فى الحشا لهلابــــــــة
الطير
شدوا العزم والتمـــــــــــــــــــوا .......... ولا يشمتو الحســـاد فيك وفيــــــها
وابنوه عش كـيف ما تتمـــــــنوا ......... هى عاشقة وانت قليبك ليــــــــــــها
موال عشق وفرح بيـه تغــــــنوا .......... غناوى ترد الروح لجواجيــــــــــها
وعيشوا زهاوى صوبكم وتهنـوا ........... وتبقوا حكاية لغيركم نحكيــــــــــها
بنفرد جناحى بالدعـــــاوى حنـوا .......... نلقى طويرة غالية نغاليــــــــــــــــها