شـدى حيلك ..... الغالى رحل ومعاه ما با ايشيلك .
ليش البكاء يا عين ؟
ليش البكا يا عينى .
دمعك نـزح ومعاك تاعبتينى .
رُوفى عليا وافرحى هنينى .
من وسط قلبى بالهنا داعيلك .
يا ما نصحتك عالغلا فوتينى .
ودرتى غلا وهـُوَّا بجفا ناويلك .
درتى الغلا ومعك بهدلتينى .
ويا ويل قلبى مالغلا ويا ويلك .
واليوم باكيه ومعاك بكيتينى .
ويا ما على مُر الغلا حاكيلك .
فوسط العذاب معاك جريتينى .
وبالدمع ديمه غارقه فى سيلك .
وديمه اتنوحى فى الخفا تبينى .
نسهر معاك . انونسك فى ليلك .
صايف ربيعى وصايفات اسنينى .
وذبلن جناين ورد نا هاديلك .
وراحن ايامى فجّرتك بعتينى .
وبعْتى افراح فـ دنيتى شاريلك .
عليكى بكيت فـ غيتك زدتينى .
اهموم ومواجع دايمه نشكيلك .
مرار الغلا بالكاس جرعتينى .
وياما جرالى فى الغلا وجاريلك .
الله يسامحك يا عين كِى هنتينى .
ودرتى حبيب اليـوم مُـش مِن جيلك .
شدى حيلك ..... الغالى رحل ومعاه ما با ايشيلك
ليش البكا يا عين . ؟
أمس في 10:27 pm
الخميس 12 أكتوبر 2023, 9:43 pm
