روحت من الدكتور فيدي صورة
القيت صورته فيها جميل الصورة
بين اضلوعي
القيت صورته هاللي سبايب لوعي
وين شفتها غلبن علي دموعي
مخنوق عبرتي دمعتي مجبورة
عاللي رحل وما مشى في طوعي
هكي نصيبي خطوته مقصورة
على كل مانسعى فشل مشروعي
والقلب يالصحاب زاد اسهوره
وزاد صورة الغالي فشت موضوعي
قدام الطبيب منقشه محفوره
كتب لي وصفة
يريدني نبرا وجوي يصفى
ثاريتها كبدي بدت منقصفة
غازي عليها همها مشطورة
تميت ناخد في اوراقي نسفة
والنار فيا والعه مكبوره
وشايل علي صدري مثيل الرصفة
هموم واجده للناس مش منضورة
كامي بهن خواطري المنكسفة
وصابر علي ميل الزمان وجوره
مشيت امبكر
لدكتور ثاني لصورتي متنكر
خذاها بين ايديه وطول تعكر
جوا بعد ما شافها فـ خطورة
نظرلي بحن وطال النظر ويفكر
رفع لي ايديه وقال في منشوره
مش عندي دواك اليوم فيك نذكر
انت داك مش طبه دواء وتنتورة
امشي لشيخ يرقيك عليه يسكر
فازع قوي برهان طبك شوره
اطريلي مثيل اللي قعد يزكر
في فم جامع حايسات اموره
منقول