الشاعر/ حازم الصبيحى قال
شكلى عليك خذيت .... أنت ف حياتى كل شى تميــــت
أنريد نعــــــــــــــترف
شكلى عليك أدمنت ..
كل شــــــى قبلك ف الغرام دفنت
شكلى عشقتــك ياعزيز أحسنت
شكلــــــــــى أخيرااا نعترف حبيت
شكلك دخلت القلب وأستوطــنت
ونا فيه كل ماضــــى خلاص طويت
أنت حياتـــــــــــــــــى بالزها لونت
بيك المشـــــــــــاكل كلهن حليت
عشقتك وحبيتك خلاص أعلنــــت
بيدك جروحـــــــــى كلهن شافيت
أنريد نعترف ونقول ..
أنك ملكت القلب عرض وطــــــــول
أنريد نعترف ماريـــــــــت كيفك زول
كيف القمر فى دنيتــــــــــى ضويت
قبلك طريقــــــــــــى فالغلا مجهول
عشقتك أمان وحن فيك ألقيــــــت
وكنك أمبادلنـــــــــى المشاعر قول
كلمة حبيبـــــــــــــى أتقولها ياريت
فرد الشاعر/ سفيان بوطيغان
بدون عليش ..
وماتنصدم لاتقول كيف ولـــــــــيش
جداّ حنون وخاطرى درويــــــــــــش
حسيت بإحساسـى عليك بكيت
أسمع كلامـــــى خوذنى بشويش
وبادل مشاعر صافيــــــــــــه ياريت
وأنطمنك ماهيش لحظـــــــة طيش
واضح كلامى وينما أنشقـــــــــــيت
عن ياس ساكن داخلـــــى ويعيش
أسمع كلامــــــــــــى حّبنى مليت
وطبطب عليـــــــه القلب ماتكويش
وكل ماأنتعطل ديرلـــــــى up date
شكلى عليك خذيت ..... أنت ف حياتى كل شى تميــــت
أنريد نعــــــــــــــترف