ياللي غيابك مر .. كان قلتلك مشتاق ماهو سر
انت عارفه
يللي اغيابك قاسي ..
ويللي معا ليام صوبي ناسي
خليتني شارق فرد انفاسي
وادموع من المواقي نازلات مطر
نا كنتلك شط وذرا ومراسي
غيبت وغيابك صحيح ايضر
مشتاقلك بالحيل ياوناسي
قاعد انا والشوق كر وفر
حتى ان كنت بعذرك ..
مفروض يابعيد الدار تاخذ حذرك
خليك مذكر عرب تنتظرك
بلا طلتك ضاق البحر والبر
يامتغرب ..
يللي اليوم لرياح الجفا مشرّب
في غيبتك مافيه شي ايطرب
ولا فيه حاجة يابعيد اتسر
لوكنت كيف حالاتي الشوق امجرب
اتجي فالعجل مر الاشواق اتجر