تحشّم وخـاف الله ياناسيها ،،،،، العين رايفت لاتزيد تلعب بيها
انشـد مرّه ،،،،، عنها حرام تفوتها بالمّره
ولاف نشدتك كانك نشدت مضرّه ،،،،، النشده عليها فعل بتزهيها
تمسح اثار اشواق فاضت برّه ،،،،، وتروي عروق اوصالها تحييها
لاتسيبها فى الماضي ،،،،، مع ياس طاغي فى لحمها ماضي
ولاتدير روحك بالنظر متغاضي ،،،،، نا عارفك عارف اللي مخليها
تذبل وكانك بشقاها راضي ،،،،، ويش ماتريد تدير إذنك فيها
شن بتنوّل ،،،،، لوشوق عيني من غيابك طوّل
بالك خطرلك ياغلا تتسوّل ،،،،، كان مانشدتش ،صورتك تكفيها
وكانك على مدت خطاك تعوّل ،،،،، الها رب من جرح الجفا يبريها
لوبيديا ،،،،، معاي بالغلا مانريد غيرك ليّ
اللي بينا موش معرفه سطحيه ،،،،، ولاهايش قصه تنتهي نطويها
نا فيك روحـك وانت روحك فيا ،،،،، اللـي تصيبني تشعر معايا بيها
لاتحشم ،،،،، انشد ولاعني نهار تكشّم
ولاتظني عنك غشيم تغشم ،،،،، روحـك وهي موناقصه يكفيها
عيني اللي شوقك ضراها هشم ،،،،، فى وين تمشي فى الخيال تجيها
تو تجرّب ،،،،، شوقك اللي شرّق معاي وغرّب
وتعرف عليْ قداش مره خـرّب ،،،،، وقـداش بسمه م الشفا لاغيها
يمكن بعدها يفك ياس مزرّب ،،،،، ع العين بعد حقـوقها تعطيها
أمس في 10:15 pm
الخميس 14 نوفمبر 2013, 12:32 pm
