قال الشاعر عبد الباسط الزوى
حاولت نبعد ع الغلا ماقدرت *** وحاولت ننسى صوبها نطويه
القيت كل شى ايقولى شن درت *** وحتى اعيونى عاتبنى فيه
والقيت روحى وين ماسافرت *** بلا رادتى انعاود عليه انجيه
غلبنى بحبا ونا امعاه اخسرت *** ماسك حواسى كلها بيديه
طاغى سجنى ونا اسيره سرت *** امكبل ويكرب وين من ناديه
حطم اسوارى كلها انكسرت *** خذا غايته فيا ونا راضيه
واجد على صوبه اسنين صبرت *** كمين عام ونا انعازى فيه
ننقانى ناوى الرحيل اخترت *** ماعاد يلزمنى ولا نبيه
نويت نتركه ياناس لكن حرت *** انريد الدباره كيف نا انجافيه؟؟
رد : نعيم الزوى
حاولت نجبر خاطرى انجبرت **** وين ماانشوفه فى مكان انجيه
حاولت ماتخطر على خطرت **** طيفك ايراود كل وقت انجيه
حاولت ماتكبر معاى كبرت ****** زايد غلاك اونا خذيت عليه
حاولت مانعبرك عبرت ******** القيت دمعى او خاطرى يبيه
حاولت نذكر وما اذكرت **** * ** الا حنانك حلم هايم فيه
أمس في 10:27 pm
السبت 08 مارس 2014, 2:16 am
