|
كاتب الموضوع | رسالة |
---|
| موضوع: يا ليبيا الإثنين 04 مايو 2015, 11:28 pm | |
| يا ليبيا قــــــــــــداش عانيتى وقــــــــــــداش شفتى هوايل ربيعك جذب منــــــــه شقيتى حرب ودمــــار وقتل العوايل اصحاب العقول قداش ناديتى اليوم تنزفى وما حـــــد سايل جت طعنتك منلى عليه عبيتى فجر وكرامـــة وجيش القبايل بالرخص بعناك وانتى شريتى ظلمناك بالجهل وشين الفعايل قلبك كبيـــــــر ما يوم كافيتى اعطينا السماح يـــأم الفضايل
بالحق قداش قداش عانيتى ياليبيا |
|
| |
| موضوع: رد: عزيز ظلمنى الجمعة 08 مايو 2015, 1:12 pm | |
| هناك ناس كيف العسل تهضمهم .. وهناك ناس حتى الدجاج يعف ما ينقبهـم
هناك ناس ترجى العين فى ملقاهـــــــــــم وتزهى الروح منورة بحداهــــــــــــــــــم وهناك ناس دوم خاطرك يجفاهــــــــــــــم يطيحوا فى حفرة غارقة تردمهــــــــــــــم
هناك ناس دوم بعطرها فواحــــــــــــــــــة تزهى العين بشوفهم مرتاحـــــــــــــــــــــة وهناك ناس فى كلامها لقاحــــــــــــــــــــة تجيب القمر فى ايديك ما يعجبهـــــــــــــــم
هناك ناس بصيتها مقيومـــــــــــــــــــــــــة تفخر بعرفه ومجمعه وقدومــــــــــــــــــــه وهناك ناس تنعق دوم كيف البومـــــــــــــة نفسك تغم من شبحها تهملهــــــــــــــــــــــم
هناك ناس تفرح بيهـــــــــــــــــــــــــــــــــم ينشد عليهم خاطرك يبيهـــــــــــــــــــــــــــم وهناك ناس وين ما تلاقيهـــــــــــــــــــــــــم تغير طريقك باش تتجنبهـــــــــــــــــــــــــــم
هناك ناس كيف العسل تهضمهم .... وهناك ناس حتى الدجاج يعف ما ينقبهـم |
|
| |
| موضوع: رد: عزيز ظلمنى السبت 09 مايو 2015, 9:16 am | |
| خمسة نجوم بحروفك ضواوى ....... بين الاوطان مجدك فى العــــلاوى أسمك يا ليبيا
اللام نجمك لـــــــــــــــــــــــــــــول ليك الغلا فى القلــــــــب ما يتحول مجد وشموخ وعز ليك يطــّــــــول فداك الروح مش قـــــول ودواوى ونعلو الصرح بسواعد تعـــّــــــول افعال رجال ما يهابوا المنـــــاوى
والياء النجم الثانــــــــــــــــــــــى ياما عدو غزاك ولى فانـــــــــــــى جحفل ورا جحفل بطمعه دانـــــــى ارتد مقهور ما لقالــــــــــه مداوى ضاق الويل فى قهاير يعـــــــــانى فدوك رجال بثبات الخطـــــــــاوى
نجمك الثالث بــــــــــــــــــــــــــاء باس وعز ما تهابى العـــــــــــداء نعيشوا فيك يا بلاد الرخـــــــــــاء نسومك خير جلاب الهنــــــــــاوى مقامك فوق عالى فى السمـــــــاء وفوق الكل رغم انف العــــــداوى
ويعاود الياء بنـــــــــــــــــــــــوره تبقى عزيزة ليبيا منصــــــــــــورة يعلـّو صروحك عاليه معمـــــــورة سواعد فتية ما تهاب بـــــــــلاوى يا ما سنين عانيتى خطــــــــــورة راد الله وقسملك نجــــــــــــــاوى
الالف اخر نجومـــــــــــــــــــــــك ولو ماصار عمرى ما نلـــــــومك الروح معاك فى الخاطر ترومـــك نموت بلاك ماليا عـــــــــــــزاوى تزهى النفس بعاطر نسومـــــــــك ترابك دوم جلاب الهنـــــــــــاوى
يدوم عزك يا ليبيا |
|
| |
| موضوع: رد: عزيز ظلمنى الأحد 10 مايو 2015, 10:37 pm | |
| حال غايتى نلقاك ... نهدرز عليك نشرب قهيوة معاك ابراهيم يا زبيدة تعز علينا ................... انديرو ميعاد نجوك والا تجينا نجيبو سريب ايام من ماضينا .... حكاوى قديمة كيفها ما هناك رفقة نقية صافية ومتينة .......... وزين الرفاقة جابهم مولاك حال غايتى نلقاك ... نهدرز عليك نشرب قهيوة معاك |
|
| |
| موضوع: رد: عزيز ظلمنى الإثنين 11 مايو 2015, 4:53 pm | |
| What happened to you Nadeem I did not know that living in America change the shape of people goodness gracious |
|
| |
| موضوع: رد: عزيز ظلمنى الأحد 17 مايو 2015, 12:32 am | |
| يا شوبانة .... بلغ سلامى والسلام امانة لاحبابنا فى جنزور يا شوبانة لآحبابنا الغوالى ............... عامر وراشد والحويتة الجالى وحافظ ويوسف ما تعقب والى .... وخالد الراحل يرحمه مولانا لاحبابنا فى جنزور يا شوبانة ....... بلغ سلامى والسلام امانة |
|
| |
| موضوع: رد: عزيز ظلمنى الإثنين 18 مايو 2015, 12:19 am | |
| كبّر ياليبى دمك سال .... وحالك مال .... دقدق وطنك زيد اهبال كبّر ياليبى كبّر زيد وزيد اقتل ... وما تعّدل ... واعفس كانهو دارو حل ... خليها بلادك فى ذل ... ذبح رجال ... تقتيل وتشريد اعيال كبّر ياليبى كبّر ما تخلى معدول ... صول وجول ... سكّرها موانى وحقول ... وامنع تصدير البترول ... ونهب اموال ... غمة وطياح المزّال كبّر ياليبى كبّر راك واخد بالكوز ... وحالك لوز ... بدل حكومة امداير زوز ... مليانة كوازى ورموز ... الوان اشكال ... تبرطيع فى غيبة عقّال كبّر ياليبى |
|
| |
| موضوع: رد: عزيز ظلمنى الأحد 24 مايو 2015, 3:57 pm | |
| عـــــــليك ادمـــــــــنا................?....ومنك رسائل كل يوم يجنا ... بذم وشـكيرة ناس تحكى عنا....ومعاه مزرعه تلعب بعض يبوك وعـندك صــفاحى سود مايهمنا...نلقنك امخلط بين ورد وشوك وكلتهم على ليـلاه ياماغنا.......وانما درت لايـك ع الخبر ياوووك وراك العـويله يالفـيس هملنا....ننسـوهم تصور وانت ماننسوك وغبنـا عليه اغياب نوم عملنا.......بارك علـينا فى النهار ابـروك ماعنـدنا غيرك اللى يشغلنا.....حتـى عقـاب اللـيل مانخـطوك الله يربـحك دونك دواء ديرلنا.......يخـفف علينا من غلاك ارجوك :: :: :: يــــا (Face) ينعــــن (book).....ادمــنا علـيك وكـل يـوم انـجوك من ضيــــــــــــــق علمنــــــــــــا وين الزين ما قابل اليوم ... عليه الفيس ما عنده علوم ما عنده أخبار ... عليه وليه ما بانن أثار ... لا مرسول لا جاني أشعار ... دار فلان منشورات كوم ... قلبي جض والخاطر أحتار ... غياب عزيز ما خلى عزوم ... و بيش تخف قسوة لنتظار ... قص الضي م ال بخت المشؤم ... رياف و حر يا شينك نهار ... لا بعزيز نزهى لا بنوم ... وينه ليش غاب ... أن شاء الله خير يا الله الأسباب ... كنت نخش نلقى في جواب ... كل نهار في هالوقت دوم ... سلام و ود و أحيانا عتاب ... و أشعارات بأعلامي تقوم ... داير رد يا داير أعجاب ... ولا ضاف صوره في الالبوم ... مفيت اليوم طول في الغياب ... عزيز الفيس من دونه ظلوم ... نميز فيه عن كل الاصحاب ... هو الوحيد ضايفلـه نجوم ... ولبروفايله داير حساب ... أمخزن دوم في صفحة كروم . ويـن الـزيـن مـا قـابـل اليـوم |
|
| |
| موضوع: عزيز ظلمنى الأحد 10 ديسمبر 2017, 3:08 pm | |
| عزيز ظلمنى ... وحق من خلق الحق ماعبرنى ..جرح خاطـرى عزيز امعانا ... عزيز لامنى متقول دار ايهانا لاكن عليم السر هو مولانا ... ايطلع اسيوف الحق ويعبرنـى ونا خاطرى مكسور كسر اقزانا ... زعم يربح اليوم اللى من سمهم جرعنـى عزيز اسمعهم...كلام الفسالة واليوم هو تبعهم وجنى هموم الكون ماردعهم ... وطنى جدب وهو قبل ماعونـى خلاص خاطرى ماعاد بيسامحهم ... الله ايصبرا عقلى عــاللى هجرنـى عزيز فـــ زوله ... حكم النيابة صادره من قوله ذبلنى وخلى شامتين اذيوله ... سجن الغلأ محبوس فيه جعلنـى رقيق عزم جابرنى عليه انقولة ... انعدا غلأه امعاى زاد رهنـى عزيز ظلمنى .. وحق من خلق الكون ماعبرنى..وجرح خاطرى نشر بواسطة : لؤلؤة بنغازى |
|
| |
| موضوع: رد: عزيز ظلمنى الإثنين 11 ديسمبر 2017, 12:01 am | |
| |
|
| |
| موضوع: رد: عزيز ظلمنى الإثنين 11 ديسمبر 2017, 9:29 pm | |
| تسلم الأيادي ربي يعطيك العافية طرح رائع لموضوع جميل نشر بواسطة : حميد العامري |
|
| |
| موضوع: رد: عزيز ظلمنى الثلاثاء 12 ديسمبر 2017, 7:46 am | |
| |
|
| |
| موضوع: رد: عزيز ظلمنى الأربعاء 13 ديسمبر 2017, 1:14 am | |
| تسلم الأيادي ربي يعطيك العافية نشر بواسطة : نبيل العيساوى |
|
| |
| موضوع: رد: عزيز ظلمنى السبت 16 ديسمبر 2017, 5:31 pm | |
| ما اصعب الظلم الواضح بهذه الكلمات المعبرة شكرا للكلام الجميل |
|
| |
|