زعمة الشاهي مر والا ريقي
ولا المرارة من غياب رفيقي
مــــر لـسـانــي
زايد مرارة من رفيق خطانـي
تبعاد مكانه ما هو عاد مكانـي
وحتى طريقه ماهي عاد طريقي
مــر خـيـره الـشـاهـي
مالاش طعمه في لهاتي ساهي
زايد مرارة في غياب الباهـي
موحال غيره ما يجي في ميقي
مـــر نـاقــص سـكــر
زاد في المرارة وفي المزاج يعكّر
حاست مضاق و في الرفيق تفكر
باعد بعد ماكـان كيـف شقيقـي
ويــن مــا نـقـول تـعـدل
طعمة الشاهي في اللسـان تبـدل
الشاهي تعلقم والهوى مـا عـدل
مزاجي تحنظل وان صبر يا ريدي