تشكيلة امثال شعبية ليبية

وجدان عدد المساهمات : 21 عضوية : 08/07/2018

الزير المليان ما يرنّش
برّاح وحماره راح
تعزّيك طاقيتي ياللي عباتك رايحه
جبّة راجلنا ولا الطلبه
حمل الجماعه ريش
خيار اللبّاس ما ستر وخيار اليكال ما حضر
دار الزاوالي مليانه بالقسم على الله
ركّبه وحاديه وشاوخه لا ينعس
زيّ السردوك ما ينقب كان عين خوه
سيّبها بالعين وقصّها بالجرّه
شكواك للأجواد طُلبه
صغار الشيابين يعيشوا مهملين
ضيف ليله ما تورّيه فقرك
طرّدها ما لحقها قلها برّي معتوقه
عاشر يا معاشر لابدّ من فراق
غارق والحبل قصير
في ركني ويعاركني
قرد موالف ولا غزال شرود
كانت تشخر زادت بفّ
لقمة اليتيم معبّره
مشت للحمّام جابت ما تخبّر عام
نلحس مسنّي ونبات متهنّي
هاتي يا مدره قلّي يا سدره
ولدها في غمرها وتدوّر فيه
يلعن بو السلطان في غيبته
اللي عنده البارات يعوم سواء ظالم والاّ مظلوم
عاشر يا معاشر لابد من فراقك
الخميرة قبت و العجينة انكبت
الدحية ما تكسر الحيطة
الدلاعة ماتكبر الا في عشبتها
الصابون واجد بس اللي يغسل
الصيت أطول من العمر
انصح الجاهل ايعاديك
املا البطن تستحي العين
المرسال لا ينضرب و لا ينهان
المكتوب ما منه هروب
المليان ماينقص
الغالي سعره في
الكثرة تغلب الشجاعة
البذار عارف ماطالع من ايديه
على وجوهها تشرب لبنها
البحر ما يكرهش الزيادة
الي مي فيدك اتكيدك
المشلوحة مااتعفن
الي مي فرس بوك اتوقعك
الي احذاك خير ملي يالاك
العين عليها احجاب
العين مايملاها الا التراب
اليد قصيرة والعين بصيرة
عيطة وشهود علي قنفود
أطلق الطير واجري تحتة
هلي مايعرف الصقر يشويه
الي تحلها بيدك خير ماتحلها بسنونك
احمارك ولاجمل جارك
يا سعد من قال أمي .. وقالت نعم وجاوباته ..
تاريتها الأم جنة .. ياتعس من فارقاته.
مدام ولدي حي يا سعدودي .. نوار قبرعون فوق خدودي.
الشوارب تبوس .. والقلب فيه السوس.
الفار الزرباز من سعد القطوس.
اللي واخذ على طعامك ، وين يشبحك يجوع .
صامت قليل الملح ما يتعدّى .. برّك احدانا ناقته وتغذّى .
ما يحبّها شبح .... جابوهلّه عروس
في اللبس زوجة من ... وفي الشرف بنت من.
كل شئ دواه الصبر ، إلا قلّت الصبر ماليهاش دواء
اللي ضرباته أمه راحت فيه .
مشيت للبحر نشكي من كبر هبالي .. حتى البحر وخّر ووجعه حالي .
غايضه واسمع مافي قلبه .
كل شئ تلقاه في السوق ، كان أمك وبوك .
اللي يحب روحه ، يقعد بروحه .
شرْقه بريقك ، توّريك عدوّك من صديقك
مكتوب ع وراق التفاح رزق الشاقي ياخده المرتاح
إلى مايبكي خانقاته العبرة
عين تضحك وعين تبكي.
يمين البكوش في صدره.
الليل بوديناته والنهار بعويناته.
الفم المسكر ماتخش له دبانه.
كل جرح يبرا الاجرحك يالسان.
البحر فيه كلب
أمش يالول جاك التالي
مااعطب من الثوم الاالكرات
مشكاي أطرش ومتشرب ريح
يامبركك يامرت بوي لوله تضربني وتعطيني ناكل
وجه تعرفة خير من وجه ماتعرفاش
إلى يديره الذيب مايكرهها الكلب
يجينا قرطاس ينبت شوشة
الي يقول الحق رأسه ينشق
كلام الحق وجاع
الحوش لبونا والناس بيطردونا
في ركني ويعاركني
واحد فقره محاديه وواحد سعده يخدم عليه
واحد زلته مغفوره وواحد زلته فوق النخل منشورة
إلى خاف سلم
الملدوغ يتخايل الحبل
إلى مات مات على روحه
احييني اليوم واقتلني غدوه
ياروحي ما دونك روح
كل واحد علي روحه
اخطى راسي وقص
إلى ماهي فيك ماتعيرك
امش صحيح ولاتعتر لاتطيح
كل حي من صندوقه يلبس
ماحي مات علي ميت
الأصحاب ولت معارف
إلى مايدير خير مايجيه شر
ماعين تعلا على حاجبها
المحتاج يقول للكلب ياسيدي
ايش بيقول الميت قدام غساله
تعاركت الام وبنتها فرح العدو من هباله
الي ليك ليك يمضغك ولا يعديك
الي انت منه لاغنانن عنه
البحر ماتعومش فيه بروحك
رزق خوه عند خوه
النعجة الطائشة من سعد الذيب
إلى يقول كلام يرعاه
الكلمة زي الروح لوخرجت ماعادش تولي
من كبر هده مات بوه قبل جده
أكبر منك بليلة يغلبك بكل حيله
صاحب بوك خير من صاحبك
الي مايعرف بوك ينعل جدك
كلمة امي كيف العسل في فمي
ان كبر ولدك خاويه
الي تحساب موسى طلع فرعون
رقدة أهل الكهف
عليك الآمان وخاتم سيدنا سليمان
الضرب للمحاميد والثنى لغومة
كل شاه امعلقة من كراعها
الي أوله شرط اعقابة سلامة
قطعنا البحر يابال البحيرة
إلى مايحك جلده بيده م يحكهوله عبيده
مشينا الواجد يابال الشوي
الي ما يأكل بيده مايشبع
الثمر ما يجيبنه مراسيل
مشينا الواجد يابال الشوي
صحح ابدانك وادهب شيطانك
تعشى وتمشى
الصابر معاه الله
لاتجاور نسيبك ولاتامن طليبك
دير مايدير جارك والاحول باب دارك
رفقة الثور للجمل
الوجه إلى تعرفه خير من الوجه إلى ماتعرفاش
الذوقة اتدير الصاحب والي مايدوق مايدير أصحاب
صاحبك بختك
يازين ميعاد لحباب

نشر بواسطة : وجدان

قمر الزمان عدد المساهمات : 517 عضوية : 23/11/2011

نشر بواسطة : قمر الزمان

سلمت الايادى

نشر بواسطة : كريمان الحاسى

قمر الزمان عدد المساهمات : 517 عضوية : 23/11/2011

تسلمى غاليتى

نشر بواسطة : قمر الزمان

شموخى عدد المساهمات : 2705 عضوية : 23/08/2010

يعطيك العافية وجدان
الف شكر

نشر بواسطة : شموخى

شروق عدد المساهمات : 103 عضوية : 23/02/2018

نشر بواسطة : شروق

سلمت الايادى

نشر بواسطة : بنت شط الهنشير

» امثال شعبية ليبية .......
» امثال شعبية
» امثال شعبية متنوعة
» امثال شعبية متفرقة
» امثال شعبية عن البنت