قال الشاعر منصور هوادي
ياجميل الروح
يبرن علي حسك كتير جروح
يابال شوفتك
ياجميل الصيفه
جبينك كما برق امطار خريفه
والعين سوده والخدود نظيفه
وكيف ينتسي هلي ملكها الروح
ياخفيف الظل
بوعين سود والغتيت اشعل
وبارق امزانك جن امطاره جن
ومامن الي قلبه قعد مجروح
ياخفيف الدم
الها صيت عالي واليدين اسقم
وهي شيخ بوها مقعده يرزم
ولا سر عقله عمر بيه ايبوح
يا مليح البيت
عقل ورزانه كيفها ما ريت
صيفة غزال الريم لون وصيت
وهي كيف نجم اسيل عالي الموح
سبحان من صورها
وسبحان خالقها ورق بشرها
جميع العرب تنشد اتريد خبرها
والي ما عرف يسمع ابها مجروح
سبحان من سواك
وسبحان من خالق الكون نشاك
كيف القمر ماحد ايجي يالاك
لا معرفه لاشبح ماو مسموح
كيف القمر كان بانت
جملة النسون بعدها ما كانت
لا غيرت لابدلت لاخانت
والي اشبح هانت عليه الروح
ننشد انجوم سمانا
علي دارها كانه عرف عنوانا
علي ما بحتنا ما القيت مكانا
وهي ساكنه فى وادى الورد ايفوح
سلمت واستسلمت
ولخالقي امري انا وصلت
ونصبر ونكمي الصبر كان اقدرت
والي صارلي ما اقدرت بيه انبوح
السبت 14 سبتمبر 2024, 1:20 pm
الإثنين 27 ديسمبر 2021, 12:05 am
