يقول عناد الشوق :
هناك ناس كيف العسل تهضمهـــــــــــــــم
وهناك ناس حتى الدجاج يعف ما ينقبهـم
هناك ناس ترجى العين فى ملقاهـــــــــــم
وتزهى الروح منورة بحداهــــــــــــــــــــــم
وهناك ناس دوم خاطرك يجفاهـــــــــــــــم
يطيحوا فى حفرة غارقة تردمهــــــــــــــم
هناك ناس دوم بعطرها فواحــــــــــــــــــة
تزهى العين بشوفهم مرتاحــــــــــــــــــــــة
وهناك ناس فى كلامها لقاحـــــــــــــــــــــة
تجيب القمر فى ايديك ما يعجبهـــــــــــــم
هناك ناس بصيتها مقيومــــــــــــــــــــــــــة
تفخر بعرفه ومجمعه وقدومـــــــــــــــــــــه
وهناك ناس تنعق دوم كيف البومـــــــــــة
نفسك تغم من شبحها تهملهــــــــــــــــــــــم
هناك ناس تفرح بيهـــــــــــــــــــــــــــــــــــم
ينشد عليهم خاطرك يبيهــــــــــــــــــــــــــــم
وهناك ناس وين ما تلاقيهـــــــــــــــــــــــــم
تغير طريقك باش تتجنبهــــــــــــــــــــــــــــم
وهناك ناس سكنو القلب شاقى بيهــــــــــم
حتى حداك يزيد الرياف عليهـــــــــــــــــــــم
احلى الغلا والود كل ليهــــــــــــــــــــــــــــــم
روحك وعمرك دونها تقدمهـــــــــــــــــــــــم
هناك ناس كيف العسل تهضمهـــــــــــــــم
وهناك ناس حتى الدجاج يعف ما ينقبهـم
اليوم في 10:13 pm
الأحد 20 مايو 2012, 2:33 pm
