عـلي تخــلا
ثاريتا امعــــايا ف الغـــلا يســــلا
عزيز باعني وباعد
خان غلايا
اللي قبل ما يحـــمـــل نهار بلايا
اليوم في مزاجه دارني تســـلايا
وبيا غدر خــلف اوجــــاع وعــــلا
ما حسبت روحي نكون ف النهاية
تضييع وقــت دايرني وهو يتغـــلا
خان اوعوده
وبانت النية في عيونه ســــــوده
وبانت طريقـــه موحشة مسدوده
ادروب شر راسملي ومــــــتهايلا
للناس كنت نحكيبا نظيف اخدوده
وهو كان ناوي للغـــرام مـــــــذلا
نحساب يبذل ف الغلا مجــــهوده
القيته غرور بقـــسوته إيتعـــــــلا
دار غلطته اجاوز اليوم احــــــدوده
تركني بلا ســــــــيا عـــلي تبلا
أجنان الغلا ذبلت جــــميع اوروده
وماتت وصافت ما ســـــقاهن بلا
إيجيه يوم يلقي السالفه مردوده
وإيسير فيه ما ســــاير معايا كلا
كلمات / عبدالباسط الزوى