قبل العيد..تعال زورني واجرك كبير اكيد..
انسي الزعل وارميه
قبل ايطل
عيد التسامح والهلال ايهل
تعال شوفني ياريت قبل الكل
وارمي احزانك في مكان بعيد
لاتشيل في قلبك عليا غل
ولاتكون في صوبك امعاي عنيد
بيني وبينك ماانريد زعل
ولانريد غيرك فالحياه ياريد
اقصر الشر امعاي دور حل
نحنا البعضنا ماعناد ايفيد
قبل ايجي
وقبل الملامه فيك ولا في
في عيد ربي روف حتي اشوي
وارمي وراك الجرح والتنكيد
مازلت نرجي في ارجوعك لي
ومازلت في سيرة غلاك انعيد
مرايف عليك وخاطري في يدي
والشوق عندي كل يوم ايزيد
غير ديرها وجرب تعال علي
مانريد منك غير مدت ليد
انسي الزعل وارميه قبل العيد..تعال زورني واجرك كبير اكيد