غير سلم بس ....

غير سلم بس ...... قداش تقعد في غلاك اتدس ......وني عارفك مشتاق

ليش تكابر......وليش تكمد في غلاك وصابر .....

قافل علي روحك وقلبك جابر......وتوهم فنفسك ماتبيش اتحس

ونيران جوفك دايرات غوابر..........واشواق عقلك دايرات اكدس

ودموعك علي خدك اتقول محابر.......يدلفقن لين الشفايف مس

لو تعلنه صوبك وفيه اثابر..... والله مـانلقا معاك نفس


ليش اداري.......وتجحد علينا في غلاك تواري......

بتفكير عقلي اتقول مانك داري.......وعينك عليا من بعيد اتعس

وتعلن ورايا ياعزيز طواري........لو شفت في جنبي رقيق الحس

ويالاك ديمة ياجميل مساري......وانت مسارك في الغلا تعكس

وفي الخفا تدور جديد اخباري......وخايف مع غيرك ايصير حسس

حتي ولو طولت في انتضاري.......يجي يوم ويدينك ايداي اتمس


غير ارحمنا....واشبح قدانا شوفنا وكلمنا......

قبلك ظلمنا الوقت ماتظلمنا ...... يلي حنينك في الكنين همس

ليا نبيك اتكون ماتحرمنا.......هدا شعور احساس بيه نحس

واشواق غيرك ياعزيز ردمنا......وبدي عقيلي فصوبكم حايس

وراكم ايزازي ماغلاه حسمنا ...... علي صوتكم عايش ومتهلوس

شعور دافي في الشقا هيمنا .........سيطر علي قلبي غلاه غرس

غصبن علينا يالغالي رمنا........وفي احضانكم علقي اليوم نعس


غير سلم بس ...... قداش تقعد في غلاك اتدس ......وني عارفك مشتاق

للشاعر / المقرحى

روووووووووووووووووووووعه كثير اعجبني الكلام

واستمتعت وانا اقرؤ شكرا لك لمت الايادي

يسلم عليك العقل يا رنين

منور ع الشعر الباهى

مشكورة وصح لسان الشاعر

من اجمل ما قريت
شعر حلو رنين
يعطيك الصحة وخيتى

منورة رنين ع الشعر السمح

شكرا