موضوع: اارقد تهني شيل كل احزانك الأربعاء 12 فبراير 2014, 1:08 am
اارقد تهني شيل كل احزانك ........ صدقني لغيرك ما يكون مكانك
شيل كل اهمومك ارقد تهنى دوم طيـّب نومك راك يا عزيز عزيز غالي سومك و فوق ما تصـّور راك عالي شانك انت بحر و نا ادمنته عومك و نحس في موجك ابكل حنانك راني عشقتك حط في معلومك و ما انسيبك مهما ايدور زمانك
يا عزيز تهنى غيرك مكانك ما يقـّرب منه هناك يا الغالي حد ما نتمنى و هنايا ايكون افساعة اطمائنانك خلك اقريب يا عزيز ادنى ارويت ابغلاك اليوم نا مليانك انت في وطاتي يا الغالي جنه وما يطيب نومي غير وسط اجنانك
يا عزيز ارتاح غلاك مو معقب داخلي مطراح فيك النظر ينظر مسا و صباح و الوذن ما تسمع امفيت الحانك و نشمه عبيرك دوم في الارياح و لي السان ما عنده الا امدحانك نضايق انجيك و ناجده البراح و نلقاك باهي يا زهر بألوانك حبك اجتاحه خاطري اجتياح
من قالك غالي عليا مانك ما يجي مكانك غيرك ولا نرتوي من بير خاطي بيرك انظر اعيوني تعرفه تأثيرك و تحس بيه القلب ها اللي صانك نثرت ابغلاك علي كل عبيرك من كل زهرة حب من بستانك دللتني بالحيل كثر خيرك موحال ردي لك هو نسيانك و موحال شي مره قديم انديرك ارتاح و اطلقله غلاي عنانك
للشاعر/ محمد الزايدي
نشر بواسطة : رنين صمت
اوتار
عدد المساهمات : 312
عضوية : 10/12/2012
موضوع: رد: اارقد تهني شيل كل احزانك الأربعاء 12 فبراير 2014, 10:13 am
شعر حلو يا سمحة شكرا على الاختيار رنين
نشر بواسطة : اوتار
بنت بوها
عدد المساهمات : 318
عضوية : 16/11/2011
موضوع: رد: اارقد تهني شيل كل احزانك الأربعاء 12 فبراير 2014, 10:19 am
شعر قوى وحلو
مشكورة رنين
نشر بواسطة : بنت بوها
عنان
عدد المساهمات : 747
عضوية : 30/08/2010
موضوع: رد: اارقد تهني شيل كل احزانك الأربعاء 12 فبراير 2014, 4:37 pm
مشكورة اختى رنين
نشر بواسطة : عنان
كامى كامى
عدد المساهمات : 1221
عضوية : 20/02/2012
موضوع: رد: اارقد تهني شيل كل احزانك الأربعاء 12 فبراير 2014, 11:28 pm
تسلمى اختى رنين الف شكر
نشر بواسطة : كامى كامى
اشرقت
عدد المساهمات : 328
عضوية : 06/09/2010
موضوع: رد: اارقد تهني شيل كل احزانك الخميس 13 فبراير 2014, 8:18 pm
نثرت ابغلاك علي كل عبيرك من كل زهرة حب من بستانك دللتني بالحيل كثر خيرك موحال ردي لك هو نسيانك و موحال شي مره قديم انديرك ارتاح و اطلقله غلاي عنانك
اليوم في 7:52 am
الأربعاء 12 فبراير 2014, 1:08 am
