لاتفتحي ديوانه .. أن كانهو سريب غلاك كيف أفلانه ..
خطيه خاطري
لاتفتحيه أكتـابه .. غير يتعبك غامض صعيب أحسابه
قبلك امضيّع فالغرام شبابه .. بعد أزهرَت طفـّى ردم نيرانه
تاعب وراحن فالعقاب أتعابه .. من دون العرب لاطش أمعاه زمانه
ولاتنشدي ع القهر ويش أسبابه .. وين داسّه عنده ؟ووين مكانه؟
باألله أتركيه وسكّري سلهابه .. مالك ومال أثمه ومال أحزانه
أدموعه أكبار أتخطّري غيّابه ..أبحَـثـّك على ماضي حكم نسيانه
زعيم الغلاء رافض جميع أطلابه .. أمقارن الياس وهو كبير أقرانه
ومطـّاول على سوق الغرام أغيابه .. أمفيت بالخساره ماردَح ميزانه
وواخذ نصايح خير من شيّابه .. وطايع وراضي ماحكَم مولانا .
مي مفروضه .. أندير صوب تصبح عقدته منقوضه
من يوم الغلاء تمّا أقطاف وفوضى .. ممزوج بالخداع مع أنواع شطانه
وبالك بعد ماأنخشّ فى هاالموضه .. ياخذني السيل إيشيلني أطفرانه
وتبقى قضيتي للقضاء امعروضه .. وبوعقل يحسبها عليّ عفانه
وأن كانك أتريدي أتسجّلي ملحوظه .. أوراقه سجلّي بالكدَر مليانه
وراه فالغلاء ديما أعطاب أحظوظه .. الخاطر ومن قبلك رخاه أحصانه
مفجوع نين م الفجعَه غلَب فى النوضه ..متركبَن أبخونه ماي فى حسبانه