ماننساكم ... يلي علي كبدي حفرت اسماكم ... مانلتهي عنكم
ما تلهاني.....
الدنيا عليكم يا عزاز ثواني
يلي ملكتو خاطري وكياني
موعر الدنيا يا عزاز بلاكم
ديما اسماكم فوق راس لساني
حتي العدو نطري حذاه غلاكم
راكم غلا محفور في وجداني
وين تنطرو شايل رحيل وراكم
انتو دواء بيكم ركح ميزاني
ديما نراجي فيه يوم القاكم
راني عليكم كل حلمي باني
عقلي خذيتو يا عزاز معاكم
مو ناسيكم.......
واخذ قراري يا عزاز انجيكم
كلي علي كلي هديه ليكم
زاد ألغلا فايت انجوم سماكم
عندي قلب مالأخوه يغار عليكم
ندعي الله يقسم معاي دناكم..