هذه قصيده للشاعر عثمان بوبزله من منطقة قندوله الجبل الاخضر وهى من شعر العكنسى يقول :
بنت اتقول زعيم فرنسى ** يشاقنصى -----
سيفا على الشرشوف بقنصى -----
بنت تقول عناق رقوق ** لميع بروق -----
عضاها ع الغفلات ايتـوق ** احزام اللى ديره مدقوق -----
ان صار خبنصي ** دون القود حدر متقنصى -----
بنت تقول اريل جلجالة ** صادت بالـه -----
عقلى صاف تردا حاله ** فى نار احزام المزاعل -----
خف غطنسى ** يستاهالها هالبلنسى -----
بنت اتقول عناق عقيره ** موش كبيره -----
فى ستطاشر عام صغيره ** لاجت تمشى بتخنسيرا -----
مير سبنسى ** ساكر شارب جوز طونسى -----
بنت تقول عناق رمال ** غلاها دال -----
كنينى كان على اتسال ** الا لكن ياقل المال -----
رداها هنسى ** منك مكسوف مطوبسنى -----
بنت تقول اريل فاجتنى ** بيضا واطوال قطاطـيها -----
ولها خد ابها جهرتنى ** نظــرة فى الشمس اولا فيـها -----
وخذة قوم القوم خذتنى ** عين الدامـى بمياميــها -----
والدنيا مامال عطتنى ** لانى بالحيل امواتيــها -----
لاكـى ناجد يصنت لـى ** عارف لب اللى ضانيها -----
بشروط الكاره يحلتنـى ** وان طلبته مــايعطيـها -----
فى ديموم خطير ارمتنـى ** عندى عين الله باليــها -----
لا نالت شـى لا هنتنى ** تذرف عالولاف سفيــــها -----
صايف يانالى خلتنـى ** مدعا بنسى -----
ديما واخذنى واسونسـى -----
بنت تقول زعيم فرنسى ** يشاقنـصـى -----
سيفا على الشرشـوف بقنصى -----