( 16) الـــــف رواتبكــــم ..... وايجنكــم عنــد مكاتبكم
وهضـــا كلـــه مــو عاجبكم ..... تشاكـــو اشويــه بالحيل
تشاكـــو ونا نبـي ( 100) ..... في حسابي فالجمهوريه
انداعـــك واعـــى مالفجريه .... امصبي في طابـور طويل
امصبي ومانـى لاقي حيلــه ... ومتغلــب في حمــول ثقيله
وســـــــارح في مونة لعويله ... ونرجــى فــي دورى لليــل
نرجى في دورى ومشروطه.... سوريتـى وعينــى مخبوطه
ويـــدى مملوخه ومربوطه .... شي عجيبـــب ايهـــد الحيل
شي عجيـــب بعينــى ريت .... ادعاك وفي وسطــه خشيت
الــدور وصلنى نين بكيت ..... عطيت شيكى والحال عليل
عطيته للصـــــــراف خذاه .... ونا امصبي شــــــارق يالاه
انفاسي مقطوعــــات احذاه ..... ونرجى في بختى القليــــل
خــــذا شيكى وتما يذكــــر ... هايم في حسابـــي ويفكــــــر
قالي تبي الحمــــــر امسكر ..... سامحنى مافيــــــه بديـــل
قتلــــه سامحتــك خلينــــى ...انعـــــــدى ندور من يعطينى
شــــــي 200 انسلك دينى ....والباقــــــي انشيله العويــــل
روحت وراســــي متواطى ...وعالنواب طلقـــــت عياطى
ونادم في اختيارى الخاطى ..اللي خلانى نعيــــــش ذليـــل
للشاعرنعيم الزوى