العقل والعين والخاطر

بن يوسف عدد المساهمات : 37 عضوية : 22/12/2017

العـقـــــل

ظليمة عليه العقل **** وجرحه جديد مازال خاطري

سبايب امراض العقل **** تبع العين والعين ضالة

عقلي تأكل فيه العازة *** متبري من نارأعزازه

العقل مو كبير أسنين *** مغير يأس لولاف شيبه

للعقال نقيم مقام *** وللي سفيه مانديرله عناء

عزاء العقل فيك ادموع *** عليك وين ما رايف بكاء

من خونه لولاف او جاي***نخلط في نومى با ابكاي

مضروب بسيف الشقاء *** العقل لين هدا حالته

الــــــعين

مالك في الغريب نصيب*** على هلك يالعين عاودي

سبحان خالقك ياعين *** خلق معاك دمع يونسك

ننهى العين عن دكراه ** تقول نبيه لين تنظره

ننهاك عن الغني يالعين *** نلقاك فى سريبه تايها

ما اتقولوش العين حنونه *** خاينها ودافع دونه

العين هدبها مبروم *** على عزيز يامة بكت

عندى عين اشكا ما تشكي *** لكن وين اترايف تبكي

غلاهم بقى للعين *** خيال ياعلم في نومها

الـــــخاطر

الخاطر مرابيعه صاف *** ان غابوا ايلاقي غيرهم

صابروالكواين فيه *** شديد عزم تاريته خاطري

الخاطر من قلة دبار *** ايكبر في نارعلى نار

الخاطر جرحه ما داوه *** على كل اسبيتار رموه

الخاطر في اغياب غواليه ** انصبر فيه ** اتقول رضيع انزازي بيه

الخاطر طول الليل ايجض ****وهلنا يحسابوه مرض

نشر بواسطة : بن يوسف

البدوية عدد المساهمات : 11 عضوية : 02/02/2012

تسلم خويا
بارك الله فيك

نشر بواسطة : البدوية

السنوسى عدد المساهمات : 243 عضوية : 02/11/2011

جيل ورائع

نشر بواسطة : السنوسى

شوق عدد المساهمات : 1537 عضوية : 29/09/2010

:رر:

نشر بواسطة : شوق

سررت بالاطلاع على موضوعك

بارك الله بجهودك الطيبة والمميزة

بانتظار جديدك الأروع والأجمل

:شكر4:

نشر بواسطة : حميد العامري