يـا سـلاح بلادي ...
هذي صدورنا مـا هـي صـدور العـادي .....
خذانـا رصاصك
يــا رازينـا
و يـا اللـي علـى شانـك امــوال عطينــــا
بتـــرد عنّـــا صـــرت تقتــل فينــــــــــا
شتّتنــــا مـا بيــن جــــاي و غـــــــــــادي
عـون للعـــدو تمّيــــت بيـــن يدينــــــــا
زنـاد خــوي صـار اليـوم ضــد زنـادي
المقتـــول و القاتــــل علينـــا و لينــــــا
غبينــــه عليكـــم يــا ضنـــــا لجــــوادي
ارواح رايحــه و امـوال حالــه شينــــه
خسايــر يقطــــع ذكرهــا فــي افّــــــادي
يـــا سلاح خســـــــــــــــــــــاره .....
شرينـــــاك طالتنــــا رصاصـك نـــــاره
سيـول مالدمـا فـــي مدنّـــــا تجّــــــارى
اخــوان بيــك صرنــا يـا ســلاح اعــادي
اللـــي قبــل لحمـــه كاينيـــن عصـــاره
اليــوم كـــل حـــد منّــا مشــى فــي وادي
بنبنـــوا الوطــن صرنــا اسبـاب دمـاره
وصــار وضعنـــا للهاويــــه متمـــــادي
لا حـــل لا ظنّــــي هنـــــاك دبـــــــــاره
مفيـــت يشبكـــن مــا بينّـــــــا لايـــــادي
و نرمــوك و نكفّـــوا الـــدم انهــــــاره
نخلّــوا الحمايـم فــي مكـــان الصــــادي
نبــــوا ســد بــاب الفتـــن بالسكّــــــاره
تــراب ليبيــا نخـــــوة ضنــــاه ينـــادي
لنســان ينقبــر و تظــل غيــر اخبـــاره
التاريـــــخ مــا يرحــــم و دوم حيـــادي
يـا سـلاح بلادي ...
الإثنين 06 مايو 2024, 10:27 pm
الجمعة 19 يناير 2018, 11:38 pm
