شينك طيحة ... بلا قبلة فى غفلة اليوم صرتى ذبيحة
يا ليبيا طحتى شينك طيحة
طحتى طحنا ..................... سكرنا فوقت العقل فيه نصحنا
ضحكوا علينا بوهم بيه فرحنا ..... طاح الغطا تاريتها درجيحة
اصبحتى تعانى بفعلنا واصبحنا ... دوايح نزازو فدارنا الفسيحة
طيحة غبرا ...................... طيحة كبير اصغار حفروا قبرا
ادقدق تكسر كسر يصعب جبرا ... هدّوا صروحه بيه ماحو ميحة
عليهم صبّر والصبر طوّل صبره ... تلاقوا عليه وكملّوا تركيحه
خلوا جروحه نازفة ما تبرا ..... جروح دامية ما وقفت تنضيحه
بغداد ما خدوها مثال وعبرا ... فى حالة تعانى من وجوه قبيحة
شينك طيحة