ريت وريت

عكس الناس نرقد فى النهار ،، ونوعى وين مايبان المغيب
انحوس اشوى وانجمع أفكار ،، ظروف الوقت والحال العطيب
ريت الناس ماتنسى الثأر ،، وريت حبيب يبعد عالحبيب
ريت اكبار ف عيونى صغاار ،، وريت صغار غازيهم الشيب
ريت الموت فى عيون الاطفال ،، وريت الخوف فى قلوب النساء
وريت العزم هو زاد الرجال ،، وريت الصبر هو ليهم دواء
وريت اجيوش ماتعرف اقتال ،، وريت سبيب ماعمره جرا
وريت غنى باخل بالأموال ،، على الفقير ماظهر زكا
وريت نسا فى طبع الرجال ،، وريت ارجال فى طبع النسا
وريت الحق ماعادش انقال ،، وريت الظلم فى العالم طغا
وريت الخير واصحابه اقلال ،، وريت الشر زايد فى النما
وريت الحق ماعادش انطال ،، وريت الزور ماهو ف الخفا
وريت االراى فى ايدين العيال ،، وريت السيد عاقب م الضنا
وريت الناس تسعى للأموال ،، وريت الدين ماهو للوفا
وريت العلم قوله ماانقال ،، وريت الجهل له شان و نبا
وريت الربط فى ايدين الأندال ،، اللى ها الوقت خلاهم اقواا
وريت وريت ياما من أهوال ،، وريت وريت ياما من شقا

وريت وريت ياما من أهوال ،، وريت وريت ياما من شقا

يفرج الله علينا
تسلمى اختى

مازال ياما نشوفوا

الله عليك بنت الاجواد
تسلمى