يا ريت ما ريناك

يا ريــــــــت مــا رينـــــــاك ........ عندي العقل ما يحمل نهار بلاك
ويش درتلا
خديــــــــــــــت أذنـوبـــــــــــــــي ........ بينـــك وبيــن الله يا محبــوبـي
نا كنت متريح وعايش دوبــــــــي ........ ويش جيبك ويش جابنــي يالاك
نين بالغلا تميت داي وصـوبــــــي........ ولازم عليا نجبدا مـــدعــــــــاك
وتميت قوتي ونت هومشروبـــــي ........ وما نريــد فالدنيا أمفيت أرضاك
وتميت صيدي ونت هو مطلوبـــي ........ وطاش أنضــاري يا عزيز وراك
تلاقن أسلوبك فالحياة إسلوبــــــي ........ واللي تحس بيه انحس بيه معاك
وعارف أدروبك خاطيات أدروبــي ........ وعارف ضناي امواسين ضنـاك
وما زلت في شانك انحت أجيوبـي ........ ومازلت ماسـك فيك ما ننســـاك
وما زلت في شانك انشن حروبــي ........ ونعـادي جميع الناس في سباك
يا قرعتـي ياقسمـي يا مكتوبـــــي ........ جابك الله وجيت ما نخطـــــــاك

نشر بواسطة : زها لنظار

نشر بواسطة : بنت ليبيا

نشر بواسطة : هبة الله

نشر بواسطة : زهرة الروح

نشر بواسطة : امة الله