ﺷﻴﺐ ﻟﺤﻴﺘﻲ ﻭﺍﻟﺮﺍﺱ ﻣﺎﻫﻮ ﺷﺎﻳﺐ ..
ﻣﺶ ﻛﺒﺮ ﻟﻜﻦ ﻡ ﺍﻟﺰﻣﺎﻥ ﺍﻟﺨﺎﻳﺐ ..
ﺷﻴﺐ ﻟﺤﻴﺘﻲ ﻭﺍﺷﻨﺎﺑﻲ ..
ﺑﺎﺩﻱ ﻣﺒﻜﺮ ﻣﻦ ﺍﻳﺎﻡ ﺷﺒﺎﺑﻲ ..
ﻫﻢ ﻭﻃﻦ ﻳﺘﻌﺬﺏ ﻭﻓﻴﻪ ﻋﺬﺍﺑﻲ ..
ﻭﻗﺪﺍﺵ ﺷﻔﻨﺎ ﻣﻦ اﻛﺒﺎﺭ ﻏﺮﺍﻳﺐ ..
ﻭﺯﻳﺪ ﻫﻢ ﻣﻦ ﻓﺮﻗﺔ اﺧﻴﺎﺭ ﺍﺻﺤﺎﺑﻲ ..
اﻓﻤﺎﺀ ﻳﻤﺨﻀﻮﺍ ﺣﺴﺒﻮﻩ ﺩﺭ ﻭﺭﺍﻳﺐ ..
ﻭﺯﻳﺪ ﻫﻢ ﻣﻦ ﻗﺴﻮﺓ اﻋﺰﺍﺯ ﻗﺮﺍﺑﻲ ..
ﻣﻊ ﺍﻟﻤﺼﻠﺤﻪ ﻣﺎﻋﺎﺩ ﻓﻴﻪ ﻗﺮﺍﻳﺐ ..
ﻭﺍﻟﻘﻠﺐ ﺯﺍﻳﺪ ﺟﺮﺡ ﻣﺎﻛﺶ ﻏﺎﺑﻲ ..
ﺍﻟﻴﺎ ﺷﺎﻑ ﻧﻈﺮﻩ ﻣﻦ ﻋﻴﻮﻥ ﺭﻏﺎﻳﺐ ..
ﻭﺣﺎﻝ ﻭﻃﻦ ﺑﻘﺮﻩ ﺿﺮﻋﻬﺎ ﻃﺒﻄﺎﺑﻲ ..
ﻣﺸﻲ ﺩﺭﻫﺎ ﺑﻴﻦ ﺳﻤﺴﺮﻩ ﻭﻧﻬﺎﻳﺐ ..
ﻭﻣﺎﺗﻘﻮﻝ ﺣﺎﺟﻪ ﻓﺒﻴﺖ ﻓﻴﻪ ﺧﻮﺍﺑﻲ ...
ﻭﻓﺮﺯ ﻭﻣﺎﺗﺨﻠﻄﺶ ﻧﻲ ﻭﻃﺎﻳﺐ ..
ﻋﻠﻴﻚ ﻭﻗﺖ ﻟﺼﻪ ﺻﺎﺭ ﻫﻮ ﺍﻟﺠﺎﺑﻲ ..
ﻭﺍﻟﻤﺴﻜﻴﻦ ﻫﻮ ﻣﻦ ﺩﻓﻌﻮﻩ ﺿﺮﺍﻳﺐ .