العقل
يا قلب نكميك فى الجمر ................. لو قلت ما زلت رايد
وان كان ما طاقلك صبر .................. نقّوى عليك الزنايد
القلب
يصعب فراق سمحة عشقت ... وما نقدر ننسى صوبها نجافيه
مليوع فى شبكة غلاها علقت ............... دقات قلبى خافقة تبيه
العقل
الخيرة تباعد ما تزيد عناد ...... غاليت من باعك فى وقت شريت
درته غلاك فى يوم قلبك راد ...... خداك بكلامه على الحقيقة عميت
القلب
عطانى كلام فى ليل بيه خدانى .... شرقت الشمس وذاب كل كلامه
حسبته حنون بطيبته نادانى ........ تريته اوهام وزيف كل سلامه
العقل
يا ما نصحتك خالفتنى صدقته ...... تبعت شوره فى حسبتك رامينى
خلط عسل بالسم وانت شربته ..... وغنيت زى كاظم لعشقها زيدينى
القلب
مجروح رانى اليوم رد الشيرة ..... جار الجرح يا عقل جرحه ماكن
على اللى تغير فى المحبة خيره ........... ذبلن عيونى بالدمع تباكن
العقل
انسى اوهام ربيعه ................ وخلك عزيز النفس غالى سومة
والصبر ما كيفه دوا لليعة ....:::... يدور الفلك بالصبر تبقى ترومه
امغير دير عزم