بكت بكتني ... ســــالن ادموعي عبرتي اخنقتني .. وقتا تلاقيــنا
بكيت معاها... وماتريد والي ع البكا ينهاها
وين ما بكت بكت اللي يالاها ... ونا زاد لخر دمعتي اســبقتني
ياما نهيت العين عن مدعاها .. لاتبعّت رايــي ولا سمعــــتني
بكت مشتاقه ... ونا من بكاها لوعتي حراقه
لاغيتها دارت جديد علاقه ... الحمت نارها كاس الغرام اسقتـني
ونا بالعيون السود مالي طاقه .. وهي بالحراب الماضية طعنتني
بكت بكايه ..العين مالها سيره ولا سهرايه
مفيت ما علي ماضي قديم معايا ... عليها خطر حاست بعد راعتـني
ونا من حذاها غير كامي دايا ... مشيت شورها عطف الحنان همتني
بكت منظامه... تبكي بكا عيل نهار فطامه
عليها خطر ماضي وجا لوهامه ... شلال دمعها داير اللي شغلتني
وراها الخاطر رايجات ارمامه ... الا مغير قسميتي اللي غلبـــتني
بكت وانهالت... ياما جرى للعين ياما عانت
لاسلّمت للياـــــس لا ســـتكانت ... ولا نسيتها م البال لا نسيـــتني
امعاي خلفت لوعة غلا مازالت ... اتناوض وتنقص وين ماهفتني
بكت بكتني .. ســــالن ادموعي عبرتي اخنقتني ..وقتا تلاقيـــنا
الإثنين 22 أبريل 2024, 11:13 pm
الخميس 11 مارس 2021, 7:13 am
